«Арсенал» бош мураббийи Микель Артета "Астон Вилла"га қарши ўтадиган ўйиндан олдин матбуот анжуманида ўз фикрларини билдириб ўтди.
Чоршанба тунги мағлубиятдан кейин нималар қилгани ҳақида
Руҳан, жисмонан яхши тикланишга ҳаракат қилдик, соз дам олдик ва ухладик. Кеча биз фақат тикланиш учун вақт сарфладик ва эртанги ўйин учун (матбуот анжумани кеча бўлиб ўтган) тайёргарлик қилишдан олдин ҳамма яхши формада эканлигига ишонч ҳосил қилдик.
Премьер-Лига тақвими ҳақидаги фикрига собит қолиши ҳақида
Ҳа, албатта фикримда қоламан. Мен Премьер-Лига ҳақида гапиряпман. Европанинг бошқа чемпионатлари билан таққосламайман. Европанинг бошқа чемпионатида бўлганингизда бу бошқа ҳикоя бўлар эди. Мен таққослаётган жиҳат Премьер-Лига билан боғлиқ ва бу жуда ҳам фарқли.
4 нафар футболчиси Англия терма жамоасига чақирув олгани ҳақида
Жуда ҳам хурсандман, айниқса йигитлар учун. Чунки улар бунга муносиб. Жуда қаттиқ меҳнат қилишади ва ўз юртлари шарафини ҳимоя қилиш улар учун қанчалик аҳамиятли эканлигини биламан. Клуб номидан бу чақирувдан жуда ҳам фахрланамиз. Бу нарса содир бўлганидан бери анча вақт ўтиб кетганди, шунинг учун бу яхши аломат.
Балки Аарон Рэмсдейл Англиянинг энг яхши дарвозабони эканлиги ҳақида
У ҳозир ўша ерда ва ўз жойи учун кураш олиб бормоқда. У жуда қаттиқ ишламоқда, чунки бу унинг орзуси. Мураббийлар штаби у биринчи рақамли дарвозабон эканлигини ҳал қилишади.
Гол ўтказиб юборганига билдирган муносабати ҳақида
Ўйиндан жейин ғойиб бўлди. Бу табиий ҳолат, чунки у рақобатбардош йигит. Аммо, бу фаолиятингиз давомида содир бўладиган нарса эканлигини англаб етишингиз керак. Бу даражада ва миллий терма жамоа учун ўйнасангиз, балки сизда ҳам шундай лаҳзалар бўлади. 10, 15 ёки 20 йил топ даражада бўлишни хоҳласангиз, шу нарсалар учун тайёр бўлишингиз керак.
Мусобақани кучли тўртликда якунлаш жамоа ва ўзи учун нимани билдириши ҳақида
Бу ишни қила олсак, шунда сизга айтаман. Чунки, ушбу воқеа ҳали содир бўлмади. Олдимизда ўйнаш керак бўлган 11 баҳс қолган ва кўп нарсалар содир бўлиши мумкин ва шунинг учун биз ҳаракат қиляпмиз.
"Астон Вилла"нинг ҳозирги ҳолати ва Жеррарднинг жамоада қилаётган ишлари ҳақида
Жуда яхши. Охирги ўйинларда ижобий натижалар қайд этишди. Жамоада бир қанча нарсаларни ўзгартирди. Жамоа тузилишида ўзгариш қилди ва стадионга яна бошқача қувват олиб келди. Унинг қилаётган ишларидан таъсирландим.
Коутиньо ҳақида
У хавфли ўйинчилардан бири. Тўп Коутиньода бўлганида ва у хавфли ҳудудларда бўлган пайтларда жамоа кўп ишларни ҳаракатга келтиради. Жамоанинг ҳужум соҳасида кўплаб ишларни амалга оширди, шунинг учун унинг ҳаракатларини доим ёдда тутиш керак бўлади. Унинг голлар юзага келтира олиш, вазият яратиш, мавжуд бўлмаган ҳудудлардан жой очиш қобилияти эвазига Англияда яхши ўйин кўрсатмоқда. Бу унинг «Ливерпуль»да ўйнаган пайтдаги сифатлари ҳисобланади.
