"Челси"нинг бир қанча ўйинчилари "Ювентус"нинг қизиқишлар доирасига тушиб қолган.

Турин клуби ярим ҳимоячилар Жоржиньо, Кристиан Пулишич ва Ҳаким Зиешни ўз сафига қўшиб олиш имкониятини ўрганмоқда, деб хабар беради Calciomercato Gazette Dello Sport нашрига таяниб.

Аввалроқ, "Челси"га Роман Абрамовичга қарши санкциялар туфайли ўз футболчилари билан шартномани узайтириш тақиқлангани маълум бўлганди.

Лондонликларнинг Жоржиньо билан шартномаси 2023 йилгача, Пулишич билан 2024 йилгача, Зиеш билан 2025 йилгача мўлжалланган.

Бугун ҳимоячи Антонио Рюдигер ёзда "Челси"дан "Ювентус"га текинга ўтиши хабар қилинганди.