Норвегиянинг «Буде-Глимт» клубининг россиялик дарвозабони Никита Хайкин Конференциялар лигаси 1/4 финали олдидан «Рома»га қарши ўйин ҳақида фикр билдирди.
«Менимча, бу рақибимиз учун омадли бўлмади. Биз аллақачон «Рома» билан ўйнаганмиз ва бизни нима кутаётганини биламиз. Уларда ҳам биз ҳақимизда кўп маълумотлар бор. Бу ажойиб ўйин бўлади!
Мен бир нарсани аниқ биламан: рақибда куздагидан кўра кўпроқ мотивация бор. «Рома» таркиби янги футболчилар билан тўлдирилди. Ва, албатта, улар биздан ўч олишни хоҳлашади.
Жозе Моуриньо аллақачон жаҳон футболи тарихига кирган ва бу касбнинг энг яхши вакилларидан бири. Унинг жамоасига қарши яна ўйнаш - ажойиб тажриба», - дейди Хайкин.
