Norvegiyaning «Bude-Glimt» klubining rossiyalik darvozaboni Nikita Xaykin Konferensiyalar ligasi 1/4 finali oldidan «Roma»ga qarshi o‘yin haqida fikr bildirdi.
«Menimcha, bu raqibimiz uchun omadli bo‘lmadi. Biz allaqachon «Roma» bilan o‘ynaganmiz va bizni nima kutayotganini bilamiz. Ularda ham biz haqimizda ko‘p ma’lumotlar bor. Bu ajoyib o‘yin bo‘ladi!
Men bir narsani aniq bilaman: raqibda kuzdagidan ko‘ra ko‘proq motivasiya bor. «Roma» tarkibi yangi futbolchilar bilan to‘ldirildi. Va, albatta, ular bizdan o‘ch olishni xohlashadi.
Joze Mourinyo allaqachon jahon futboli tarixiga kirgan va bu kasbning eng yaxshi vakillaridan biri. Uning jamoasiga qarshi yana o‘ynash - ajoyib tajriba», - deydi Xaykin.
