Дортмунднинг «Боруссия» клуби ҳужумчиси Эрлин Холандга «Реал» ва «Манчестер Сити»дан аниқ таклифлар бор. 21 ёшли норвегиялик ҳали ҳам инглиз клубига ўтишга интиляпти, деб ёзади Маrcа.
Олдинроқ «Манчестер Сити» ҳужумчига йилига 30 миллион евро тўлашга тайёрлиги ҳақида хабар берилганди. «Реал Мадрид» бундай таклифни такрорлай олмайди.
2021/22 йилги мавсумда Холанд «Боруссия Дортмунд» сафида барча мусобақаларда 21 та ўйинда майдонга тушди. 23 та гол урди ва 6 та голли узатмани амалга оширди.
Норвегияликнинг «Боруссия» билан шартномаси 2024 йилнинг 30 июнига қадар тузилган.