"Барселона" ярим ҳимоячиси Серхи Роберто фаолиятини "Атлетико Мадрид"да давом эттириши мумкин, деб хабар беради Diario Sport.
Мавсум якунида 30 ёшли испаниялик футболчи эркин агентга айланиши мумкин. Унинг клуб билан амалдаги шартномаси тугамоқда, "Барселона" эса шартномани узайтиришга шошилмаяпти.
Шу билан бирга, аввалроқ "Барса" президенти Жоан Лапорта янги шартнома деярли имзолангани ҳақида хабар берган эди. Аммо шундан кейин музокаралар ҳақида ҳеч қандай хабар чиқмади.
"Атлетико" Роберто билан шартнома имзолашга тайёр. Улар футболчига аллақачон ўз таклифини билдиришган.
Ҳозирда испаниялик ярим ҳимоячи жароҳатидан фориғ бўлмоқда.
