«Милан» Италия А Сериясининг 30-туридан кейин "Интер" жамоаси билан орадаги фарқни олтитага етказиб олди.

Стефано Пиоли шогирдлари бугун «Кальяри» (1:0) жамоасини мағлубиятга учратди. "Интер" эса бу турда "Фиорентина" (1:1) жамоаси билан дуранг ўйнади.

«Россонерлар» ҳисобида айни пайтда 66 очко бор ва турнир жадвалини бошқариб туришибди, «нерадзуррилар» эса 60 очко билан учинчи поғонада боришмоқда, бироқ, ҳисобида битта захира ўйини бор.

Иккинчи ўринда эса 63 очко билан «Наполи» жамоаси бормоқда. Улар бу турда «Удинезе» (2:1) жамоасини мағлуб этишди.

«Интер» кейинги турни сафарда «Ювентус»га қарши ўтказса, «Милан» ўз майдонида«Болонья» жамоасини қабул қилади. "Наполи" эса сафарда «Аталанта» жамоаси меҳмони бўлади. Ушбу барча учрашув 3 апрель куни ўтказилади.