"Милан" "Лилль" ҳимоячиси Свен Ботманга қизиқишда давом этмоқда, деб хабар беради Tuttosport.
Италия клуби 22 ёшли нидерландиялик футболчи билан музокараларнинг янги босқичини бошлади.
Шу билан бирга, итальян клуби Ботман учун тахминан 40 миллион евро сўраётган “Лилль” билан музокара олиб боришига тўғри келади. Футболчининг ўзи Франция клубига босим ўтказмоқда ва трансфер амалга ошишини истамоқда.
Ботман ёзги трансфер ойнасида ҳозирги жамоасини тарк этиши кутилмоқда. Футболчига "Ньюкасл" ва "Тоттенхэм"дан ҳам қизиқиш мавжуд.
Ҳимоячи жорий мавсум Лига-1'да 21 та ўйинда майдонга тушиб, 3 та гол урди ва 1 та голли узатмани амалга оширди.
