"Milan" "Lill" himoyachisi Sven Botmanga qiziqishda davom etmoqda, deb xabar beradi Tuttosport.

Italiya klubi 22 yoshli niderlandiyalik futbolchi bilan muzokaralarning yangi bosqichini boshladi.

Shu bilan birga, italyan klubi Botman uchun taxminan 40 million yevro so‘rayotgan “Lill” bilan muzokara olib borishiga to‘g‘ri keladi. Futbolchining o‘zi Fransiya klubiga bosim o‘tkazmoqda va transfer amalga oshishini istamoqda.

Botman yozgi transfer oynasida hozirgi jamoasini tark etishi kutilmoqda. Futbolchiga "Nyukasl" va "Tottenxem"dan ham qiziqish mavjud.

Himoyachi joriy mavsum Liga-1'da 21 ta o‘yinda maydonga tushib, 3 ta gol urdi va 1 ta golli uzatmani amalga oshirdi.