"Ювентус" "Манчестер Юнайтед" ярим ҳимоячиси Поль Погбанинг трансфери борасида жиддий ҳаракат бошлаган. Раҳбарият франциялик футболчи билан шартнома имзолаш учун ҳамма нарсани қилишга ҳаракат қилмоқда, дея хабар беради Sport Italia.
Яқин орада Погба билан барча деталлар келишилган дастлабки шартнома имзоланиши мумкин.
Унга кўра, Погба 4 йиллик шартнома давомида 1 мавсум учун 9 миллион евро ишлаб олади. Бундан ташқари, француз 3 миллион миқдоридаги бонусларга ҳам эга бўлиши мумкин.
Ярим ҳимоячининг "Манчестер Юнайтед" билан амалдаги шартномаси 2022 йилнинг ёзига қадар мўлжалланган. Погба инглиз жамоаси билан шартномани узайтиришга ҳозирча тайёр эмас.
