«Наполи»нинг ўнг қанот ҳимоячиси Жованни Ди Лоренцо бўлажак плей-офф баҳсларида Италияга ёрдам бермайди.
Ди Лоренцо яқинда А Серия навбатдаги тури доирасида «Наполи» - «Удинезе» (2:1) ўйинида тиззасидан жароҳат олди, натижада Италия терма жамоаси бош мураббийи Роберто Манчини 28 ёшли футболчини бўлажак ўйинлар учун рўйхатдан олиб ташлашга мажбур бўлди.
Энди унинг ўрнини «Ювентус» вакили 29 ёшли Маттиа Де Шильо эгаллайди.
Жорий мавсум Ди Лоренцо 39 та ўйинда 1 та гол ва 5 та голли узатмани амалга оширди.