"Спортинг" ҳимоячиси Педро Порро "Реал" ва "Бавария" қизиқишлари доирасида бўлиб турибди. Ҳар икки клуб ҳам испаниялик футболчини ёзги трансфер ойнасида сотиб олишга тайёр. Бу ҳақда Marca хабар бермоқда.
Манбага кўра, немис клуби 22 ёшли Поррони ўз сафига қўшиб олишга катта қизиқиш билдирмоқда.
Қайд этилишича, “Спортинг” ўз футболчисини 30 миллион евро эвазига қўйиб юборишга тайёр.
Жорий мавсумда Порро барча турнирларда 28 та ўйинда майдонга тушиб, 4 та гол урди ва 7 та голли узатмани амалга оширди.
