Испаниянинг «Валенсия» клуби ноодатий натижа қайд этди.

Гап шундаки, Ла Лигада 100 та сариқ карточка олиш учун «Валенсия» футболчиларига атиги 29 та ўйин керак бўлди холос.

2021/22 йилги мавсумда Европанинг энг кучли беш чемпионатлари орасида иштирок этаётган барча 98 жамоа орасида бу кўрсаткич бўйича айнан «кўршапалаклар» етакчилик қилмоқда.

Огоҳлантиришлар сони бўйича иккинчи ўринни яна бир испан жамоаси - «Хетафе» (98) эгаллаб турибди.

«Лидс» эса энг «қўпол» жамоалар учлигини (90) ёпиб беради. Кучли бешликка, шунингдек, «Атлетико Мадрид» (83) ва Италиянинг «Рома»си ҳам (82) кирган.

Испания Ла Лигасининг 29-туридан сўнг «Валенсия» 40 очко билан турнир жадвалининг 9-поғонасида бормоқда.