Ispaniyaning «Valensiya» klubi noodatiy natija qayd etdi.

Gap shundaki, La Ligada 100 ta sariq kartochka olish uchun «Valensiya» futbolchilariga atigi 29 ta o‘yin kerak bo‘ldi xolos.

2021/22 yilgi mavsumda Yevropaning eng kuchli besh chempionatlari orasida ishtirok etayotgan barcha 98 jamoa orasida bu ko‘rsatkich bo‘yicha aynan «ko‘rshapalaklar» yetakchilik qilmoqda.

Ogohlantirishlar soni bo‘yicha ikkinchi o‘rinni yana bir ispan jamoasi - «Xetafe» (98) egallab turibdi.

«Lids» esa eng «qo‘pol» jamoalar uchligini (90) yopib beradi. Kuchli beshlikka, shuningdek, «Atletiko Madrid» (83) va Italiyaning «Roma»si ham (82) kirgan.

Ispaniya La Ligasining 29-turidan so‘ng «Valensiya» 40 ochko bilan turnir jadvalining 9-pog‘onasida bormoqda.