"Барселона" Усмон Дембеле "ПСЖ" футболчисига айланишига ишонмоқда.
Футболчининг агенти франциялик футболчини Каталония клубида сақлаб қолиш учун ҳеч нарса қилмаяпти. Аммо ҳозирда Дембеле "Барселона"да ҳақиқатан ҳам бахтли ва жамоадаги ролидан мамнун.
Шунга қарамай, унинг "Барса"да қолиш имконияти деярли йўқ: каталонияликлар бу борада биринчи қадам ташламайди. Қайд этилишича, агар Дембеле қолишни истаса, унинг ўзи музокараларни қайта бошлаш илтимоси билан клуб раҳбариятига мурожаат қилиши керак.
Жамоа футболчининг "ПСЖ" билан шартнома шартларини келишиб олганига ишончи комил, деб ёзади Diario Sport.
Ёзда эркин агентга айланиши мумкин бўлган 24 ёшли вингер жорий мавсумда "блауграна" сафида 21 ўйинда майдонга тушиб, 2 та гол урди ва 9 та голга ассистентлик қилди.
