"Аякс" ярим ҳимоячиси Райан Гравенберх "Бавария"нинг унга бўлган қизиқиши ҳақидаги миш-мишларга тўхталиб ўтди.

"Бавария"нинг таклифи ҳақида қандай фикрдаман? Мен бу мавзуни отам ва агентимга қолдираман. Мен шунчаки футбол ўйнашни хоҳлайман. Айтишим мумкинки, “Бавария” - ажойиб клуб”, – дея ярим ҳимоячининг сўзларидан иқтибос келтирган журналист Фабрицио Романо.

2021/22 йилги мавсумда Гравенберх "Аякс" таркибида 37 та ўйинда майдонга тушиб, 2 та гол ва 6 та голли узатмага муаллифлик қилган.

Transfermarkt.com портали 19 ёшли нидерландиялик футболчининг нархини 35 миллион еврога баҳоламоқда.

Олдинроқ "Бавария" Райан учун 25 миллион евро таклиф қилгани хабар қилинганди.