"Барселона" бош мураббийи Хосеп Гвардиола "Челси" билан бўлиб ўтадиган чемпионлар лигаси жавоб ўйини хусусида фикр билдирди.

"Мен агар эртага футболчиларим ғалаба қозонади десам, ишонинг. Бунга юзлаб сабаблар бор. "Барселона" "Челси"ни ютади.

Биламан, кўпчилик лондонликлар ғалаба қозонишини истамоқда, биламан ярим финал қийин босқич, унинг биринчи ўйини кўнгилсиз якунланиши мумкин. Лекин биз буҳақда ўйламаслигимиз керак. Эртага ғалаба қозонишимизга ишонамиз. Мен ҳаттоки, Мюнхенда ўйнашимизга ҳеч қандай шубҳам йўқ, деган бўлар эдим.

Балки, бу ўйин менинг мураббийлик фаолиятимда энг катта чақирувдир. Мен ҳар қандай чақирувни ишонч билан қабул қиламан, чунки бу клубга, бу футболчиларга ишонаман.

Биз эҳтиёт бўлишимиз керак. "Челси"нинг кучли томонлари ҳаммага маълум. "Барселона" голли вазиятлар содир этиб, уларни голга айлантириши керак.
Бундай баҳсларнинг олдидан ҳаяжонланмасдан бўлмайди. Барча ўйинчилар - оддий инсонлар. Улар барча мусобақаларда ғолиб чиқишини хоҳлайдилар. Футболчиларга оддийгина қилиб: "Тўпни қабул қилинг, уни йўқотманг. Голлар уринг ва ғалаба қозонинг" дейиш осон. Бу жуда осон. Қийини уни майдонда амалга ошириш. Менинг ўйинчиларим бундай пайтларда нима қилишни биладилар", - дея Гвардиоланинг сўзларини келтиради УЕФА расмий сайти.