ФИФА Олимпиада футбол турнири гуруҳ босқичи қуръаси мобайнида Буюкбритания терма жамоаси тўрт танланган жамоалари қаторида бўлишини расман эълон қилди. Инглизлар А гуруҳининг 1-поғонасидан ўрин олишади.

Буюкбританиядан ташқари танланган терма жамоалар қаторига Испания (жаҳоннинг амалдаги чемпиони сифатида — D1), Бразилия (Олимпиада ғалаба қозонмаганига қарамасдан, олимпиада тарихидаги энг яхши терма жамоа сифатида — C1) ва Мексика (Европа ва Жанубий Америкадан ташқарида рейтинги энг юқори терма жамоа сифатида — В2) каби терма жэамоалар киритилди. Бу терма жамоалар гуруҳ босқичида бир-бирига қарши ўйнашмайди — турли гуруҳлардан жой олишади.

Санаб ўтилган терма жамоаларнинг ҳар бирига гуруҳда яна 3 тадан рақибга эга бўлади. ФИФА бугун кундузи "Уэмбли" стадионида эркаклар олимпия турнири қуръасини ўтказади.

Эслатиб ўтамиз, юқорида номлари тилга олиб ўтилган терма жамоалардан ташқари Лондон олимпиадасининг эркаклар турнирида Гондурас, Уругвай, Беларусь, Швейцария, Миср, Габон, Марокаш, БАА, Япония, Жанубий Корея, Янги Зеландия ва Сенегал иштирок этади.