"Барселона" ярим ҳимоячиси Нико Гонсалес бутун фаолиятини Каталония клубида ўтказмоқчи эканлигини айтди.
“Тез орада биз музокаралар столига ўтирамиз. Бу менинг келажагим учун муҳим дақиқа бўлади. Агар "Барселона" хоҳласа, умримнинг охиригача жамоада қоламан", - дея Никонинг сўзларини келтиради Diario Sport.
2022 йилнинг февралида ярим ҳимоячига "Манчестер Сити" қизиқаётгани ҳақида хабарлар тарқалган эди.
20 ёшли испанияликнинг каталонияликлар билан шартномаси 2024 йилнинг ёзида якунига етади. Жорий мавсумда у Ла Лиганинг 24 та учрашувида майдонга тушиб, 2 та гол ва 1 та голли узатмани амалга оширди.
