Франциянинг "Марсель" клуби собимқ футболчиси Иосип Скоблар "Барселона" ҳужумчисини Лионель Месси адресинга мақтовлар ёғдирди.
Скобларнинг ўзи 1970-71 йиллардаги "Олтин бутса" соҳиби ҳисобланади. "Марсель" таркибида у миллий чемпионатнинг бир мавсумида 44 та гол киритган. Скоблар Месси ва "Реал" ҳужумчиси Криштиану Роналду унинг рекордини янгилай олиши борасида ўз фикрларини билдириб ўтди. Эслатиб ўтамиз, аргентиналик футболчи ҳисобида 41 та гол бўлса, португлиялик юлдуз 42 бор рақиб дарвозасига гол урган.
"Менимча, рекордимни Месси янгилайди. Бу билан Роналду мен эришган ютуққа эриша олмайди, демоқчимасман. Шунчаки, Месси – ҳақиқий виртуоз, ҳужумда кўпроқ ва яхшироқ ҳаракат қилади. Роналду менда Мессидек иштиёқ уйғотаётгни йўқ. Месси рақиб томонидан оёғига берилаётган зарбаларга қарамасдан ҳеч қачон йиқилишга ҳаракат қилмайди. Ва бу – фантастиканинг ўзгинаси", — деди Скоблар.
