«Манчестер Юнайтед»нинг собиқ ҳимоячиси Рио Фердинанд Англия клубини бошқаришни, Эрик тен Хагнинг ёрдамчиси бўлишни хоҳлаётгани ҳақидаги миш-мишларни рад этди.

«Мен у ерда ишламайман. Клуб билан яхши муносабатдаман, у ерда ишлайдиган одамлар билан яхши муносабатдаман. Мен у ерда ўйнайдиган, клубда ишлайдиган кўплаб йигитларни биламан. Аммо буни бузиб қўйишни истамайман», деди Фердинанд Sky Sports нашрига.

Аввалроқ, «Манчестер Юнайтед» раҳбарлари «Аякс» бош мураббийи Эрик тен Хаг билан суҳбатлашгани ҳақида хабарлар тарқалганди.

Манбага кўра, раҳбариятни 52 ёшли голландияликнинг услуби қаноатлантирган, бироқ уни тайинлаш борасида қарор қабул қилишда бошқа кўплаб омиллар ҳисобга олинади.