Сўнгги пайтларда инқироз ботқоғига ботган ва ўзига кела омаётган Шотландиянинг энг машхур клуби "Глазго Рейнжерс" жамоасининг хўжайини Крег Уайт Шотландия Футбол Ассоцияцияси қарорига мувофиқ бир умрга футболдан четлаштирилган.
Крег Уайт эндиликда Шотландияда футбол ишларига умуман аралаша олмайдиган бўлди.
Жамоанинг инқирозида айнан клуб хўжайинининг нотўғри сиёсат олиб борганини сабаб қилиб кўрсатишмоқда. Крег Уайт ШФАнинг таъқиқларига қарамай, бир неча пунктларни бузган ва бунинг эвазига жамоадан жарима сифатида 10 очко олиб ташланган эди.
Жамоа чуқур молиявий инқироздан ҳам чиқиб кета олмади. "Глазго Рейнжерс" ишбилармонлар қўлидан тортиб олинди ва ички бошқарув тизимига ўтди.
Кеча УЕФА ҳам жамоани жазога тортди. УЕФА қарорига кўра, бир неча муҳим пунктларни бузганлиги ва спорт тамоилларига зид бўлган ҳатти-ҳаракатларни амалга оширгани учун, "Глазго Рейнжерс" бир йил давомда трансфер бозоридан четлаштирилди. Энди жамоа бир йил давомида футболчиларни сотиш ва сотиб олиш билан шуғуллана олмайди.
