«Вулверхэмптон» вингери Педру Нету «ПСЖ»га ўтиши мумкин.

Мавсум бошланишидан олдин «Ливерпуль» 22 ёшли португалиялик футболчига қизиқиш билдирганди, бироқ футболчининг жароҳати трансферни амалга ошишига йўл қўймадди. 

Тахминан икки ҳафта олдин Нету «бўрилар» билан шартномасини 2027 йилгача узайтирди. Daily Mail нашри хабарига кўра, «ПСЖ» уни ёзги трансфер ойнаси вақтида ўз сафига қўшиб олмоқчи. Хабар қилинишича, Килиан Мбаппенинг кетиши мумкинлиги сабабли, парижликлар ҳужум чизиғини кучайтирадиган футболчи қидирмоқда.

Айтганимиздек, Педру Нету мавсум бошида жиддий жароҳат олган эди. Шу боисдан ҳам у жорий мавсумда «бўрилар» сафида атиги 5 та ўйинда майдонга тушди.