«Вест Хэм» сафида ижара асосида ўйнаётган «ПСЖ» дарвозабони Альфонс Ареола яқин орада инглиз клуби томонидан сотиб олиниши мумкин.
Француз клуби ва «болғачилар» ўртасидаги шартномада 13 миллион еврога сотиб олиш банди мавжуд бўлиб, у яқин вақт ичида фаоллаштирилади. Бу ҳақда Jeunes Footeux нашри хабар бермоқда. Нашрнинг таъкидлашича, Ареола Лондонда бахтли, «Вест Хэм» бош мураббийи Дэвид Мойес эса уни кейинги мавсумда жамоанинг асосий дарвозабонга айлантирмоқчи.
29 ёшли Альфонс Ареола жорий мавсумда 14 та ўйинда қатнашиб, ўз дарвозасидан 11 та гол ўтказиб юборган ва 7 бор дарвозаси дахлсизлигини сақлаган.
