«Vest Xem» safida ijara asosida o‘ynayotgan «PSJ» darvozaboni Alfons Areola yaqin orada ingliz klubi tomonidan sotib olinishi mumkin.
Fransuz klubi va «bolg‘achilar» o‘rtasidagi shartnomada 13 million yevroga sotib olish bandi mavjud bo‘lib, u yaqin vaqt ichida faollashtiriladi. Bu haqda Jeunes Footeux nashri xabar bermoqda. Nashrning ta’kidlashicha, Areola Londonda baxtli, «Vest Xem» bosh murabbiyi Devid Moyes esa uni keyingi mavsumda jamoaning asosiy darvozabonga aylantirmoqchi.
29 yoshli Alfons Areola joriy mavsumda 14 ta o‘yinda qatnashib, o‘z darvozasidan 11 ta gol o‘tkazib yuborgan va 7 bor darvozasi daxlsizligini saqlagan.
