Аргентина терма жамоаси бош мураббийи Лионель Скалони ҳужумчи Лионель Месси 25 март, шанба куни Венесуелага қарши мухлислар қаршисида ўзининг сўнгги ўйинини ўтказиши мумкинлигига ишора қилди.
"Эртага у ўз мамлакатида, халқи олдида ўйнаш имкониятига эга бўлади. У Аргентина билан энг яхши тарзда хайрлаша олади ва келажак бундан ҳам яхшироқ бўлишига умид қилади", - дейди мураббий.
Месси грипп туфайли "ПСЖ"нинг "Монако"га (0:3) қарши ўйинда иштирок эта олмагани учун Венесуэлага қарши ўйинни ўтказиб юбориши кутилганди. Бироқ бу ҳафта терма жамоа сардори аргентиналик жамоадошлари билан одатдагидек машғулот ўтказди ва ўйин учун таркибда бўлиши кутилмоқда.
