Мадриднинг “Реал” клуби бош мураббийи Карло Анчелотти Италия терма жамоасини бошқариши мумкин, деб хабар беради La Gazzetta dello Sport.
Манба берган хабарга кўра, Италия футбол федерацияси раҳбарияти терма жамоани тарк этиши мумкин бўлган Роберто Манчини ўрнига номзодларни кўриб чиқмоқда. Аввалроқ Анчелотти "Реал"ни тарк этиши мумкинлиги ҳақида хабарлар тарқалган эди.
Италия терма жамоаси Шимолий Македонияга мағлуб бўлди ва кетма-кет иккинчи бор жаҳон чемпионатида иштирок этмайди. Плей-офф турнири финалида Шимолий Македония бошқа ярим финал учрашувида Туркияни мағлуб этган Португалия билан учрашади.
