Ҳақиқатдан ҳам, қайсидир маънода бугун бутун жаҳон футбол ишқибозлари ажойиб учрашуви гувоҳига айланишади. Чунки, бугун "Барса" худди "яраланган шер"дек майдонга тушади.

Сабаби, Пеп Гвардиола шогирдлари иккита керакли учрашувни кетма-кет бой беришди. Адашмасам, бундай воқеа каталонияликлар тарихида сўнгги 3 йилда такрорланмаган эди. Гвардиола ҳам, унинг шогирдлари ҳам бугунги ғалабага ишонишмоқда. Улар профессионал футболчилар, ўйнаб гапирса ҳам, ўйлаб гапиришади.

Учрашувни туркиялик ёш ҳакамга ишониб топширишгани мени бироз ўйлантирди. Бирок, уни тажрибасиз деб ҳисобламайман. Чунки, у ўз вақтида «Барселона»нинг ҳам, «Челси»нинг ҳам ўйинларини бошқаришга муваффақ бўлган.

«Челси» ҳам Каталонияга шаҳар томоша қилиш учун ташриф буюрмайди. Улар ҳам имкон қадар ижобий натижани қўлга киритишга ҳаракат қилишади. Лекин, бунинг уддасидан чиқиш кийин, жуда қийин, айниқса, «Камп Ноу»да! Тахминимча, Ди Маттео бугунги уйинга 8-1-1 тактика танласа керак.

Ҳа айтганча, агар бугун «Барселона» ғалаба қозониб, финалга йул олса ва «Реал»-«Бавария» жамоалари ўртасидаги жуфтликда мадридликлар ғолиб чиқиб, финалга йўл олса, ҳал қилувчи баҳсда Пеп Гвардиола шогирдлари аниқ ғалаба қозонишади. 21 апрель кунги мағлубият тасодиф эканлигини исботлашади.

Одилбек ТОЛИПОВ,
"Шўртан" ФК матбуот хизмати