«Барселона» ҳимоячиси Клемен Ленгле «Барселона»ни тарк этиб, жаҳон чемпионати олдидан кўпроқ ўйин амалиёти берадиган клубга ўтмоқчи.
Хави Каталония клуби бошқарувига келгунига қадар Ленгле асосий таркиб футболчиси эди. Шундан сўнг ҳимоячи асосий таркибга тушиш фоизи камайиб кетди. Ушбу мавсумда футболчи Ла Лигада 13 та ўйин ўтказиб, 1 та голли узатмани амалга оширди.
Трансфермаркт хабарига кўра, футболчининг трансфер нархи 14 миллион еврони ташкил қилади. Ҳимоячининг «Барселона» билан шартномаси 2026 йилда якунига етади.
Олдинроқ футболчининг хизматларига «Севилья» қизиқаётгани ҳақида маълумотлар пайдо бўлганди, бироқ бош мураббий Хулен Лопетеги футболчининг трансферига «запрет» қўйганди.
