Ўзбекистон Профессионал футбол лигаси одатга кўра, ҳар ой Суперлиганинг энг яхши мураббийи ва футболчиси, шунингдек, энг чиройли голини аниқлаб келмоқда. Ортда қолаётган март ойида Суперлигада 3 та тур учрашувлари бўлиб ўтди. Мазкур беллашувлар давомида кўплаб футболчи ва мураббийлар ўзларини кўрсатишга эришди.

Март ойининг энг яхши мураббийи бўлиш учун номзодлар:

Славче Войнески (“Пахтакор”) – 3 та ўйин, 2 ғалаба, 1 дуранг, тўплар фарқи 4:1

Самвел Бабаян (“Навбаҳор”) – 3 ўйин, 2 ғалаба, 1 дуранг, тўплар фарқи 4:1

Никола Лазаревич (“Қизилқум”) – 3 ўйин, 2 ғалаба, 1 дуранг, тўплар фарқи 5:1

Улуғбек Бақоев (“Сўғдиёна”) – 3 ўйин, 2 ғалаба, 1 дуранг, тўплар фарқи 3:1

Март ойининг энг яхши футболчиси бўлиш учун номзодлар

Драган Черан (“Пахтакор”) – 3 ўйин, 2 гол, 1 ассист

Милан Митрович (“Сўғдиёна”) – 3 ўйин, 2 қуруқ ўйин, 7 сейв, 1 гол ўтказиб юборган

Шерали Жўраев (“Қизилқум”) – 3 ўйин, 1 гол, 2 ассист, 22 маротаба тўп ҳаракат жойини тўғри танлаб, унга эгалик қилган (подборы)

Элгужа Григалашвили (“Навбаҳор”) – 3 ўйин, 2 гол

Шаҳбоз Жўрабеков (“Сўғдиёна”) – 3 ўйин, 1 гол, 37 яккакурашларда ғолиб

Эркин Байдуллаев (“Қизилқум”) – 3 ўйин, 1 гол, 20 яккакурашларда ғолиб, 17 маротаба тўпга эга чиқиб, рақиб ҳужумини бузган (перехваты)

Жавоҳир Сидиқов (“Қўқон-1912”) – 3 ўйин, 1 гол, 96 аниқ узатмалар, 13 яккакурашларда ғолиб.

Март ойининг энг чиройли голига номзодлар

Элгужа Григалашвили (“Навбаҳор” – “Қўқон-1912” учрашувида киритган голи)

Темурхўжа Абдуҳолиқов (“Қизилқум” – “Локомотив” учрашувида киритган голи)

Санжар Қодирқулов (“Локомотив” – АГМК учрашувида киритган голи)

Ғулом-Ҳайдар Гулямов (“Локомотив” – АГМК учрашувида киритган голи)

Жавоҳир Сидиқов (“Қўқон-1912” – “Олимпик” учрашувида киритган голи)

Эркин Байдуллаев (“Қизилқум” – “Локомотив” учрашувида киритган голи)

Жавоҳир Қахрамонов (“Қўқон-1912” – “Сўғдиёна” учрашувидаги биринчи голи).

Эслатиб ўтамиз, овоз бериш жараёнида Суперлига клублари бош мураббийлари ва сардорлари ҳамда мухлислар иштирок этишади. Суперлиганинг 14 клуби бош мураббийлари ҳамда сардорлари кўрсатилган номзодларни учталикка жойлаштириб чиқади.

Дастлабки ўринда кўрсатилган номзод 3, мос равишда кейинги икки ўриндагилар 2 ва 1 очколик бўлади. ЎзПФЛ томонидан футбол мухлислари ўртасида ўтказилган сўровнома натижаси эса бош мураббийлар, жамоа сардорлари ҳамда спорт нашрлари ўртасида ўтказилган сўровнома натижаларига қўшилади. Бунда мухлислар овози катта аҳамиятга эга бўлиб, биринчи ўринни эгаллаган номзод 6, мос равишда кейингилар 4 ва 2 очкодан қўлга киритади. Якунда энг кўп балл тўплаганлар ойнинг энг яхшилари сифатида эътироф этилади.