Аргентина терма жамоаси ҳужумчиси Лионель Месси ЖЧ-2022 саралаши доирасидаги Венесуэлага (3:0) қарши ўйин ҳақида гапирди.
"Жамоа билан шундай бирликни мухлислардан кутгандим. Мен Америка Кубогида ғалаба қозонишимдан олдин ҳам узоқ вақт давомида терма жамоадан хурсанд бўлганман. Одамлар мени севишларини кўрсатишади ва мен улардан миннатдорман. Жаҳон чемпионатидан сўнг кўп нарсани қайтадан ўйлашим керак бўлади. Биз тез ҳаракат қилишга ҳаракат қилдик, Венесуэла ҳимояда чуқур эди. Биринчи бўлимда бизда имкониятлар бўлди, аммо иккинчи бўлимда улар янада кўпроқ очилди", - дея Мессининг сўзларидан иқтибос келтирган терма жамоа расмий сайти.
Аргентина 38 очко билан Жанубий Америка гуруҳида иккинчи ўринни эгаллаб, ЖЧ-2022 йўлланмасини қўлга киритди.
