Сакки Италия футболи нима учун жабр кўраётганини айтди.
Италиялик афсонавий мураббий Арриго Сакки замонавий Италия футболи нималардан жабр чекаётгани ҳақида гапирди. Хабарингиз бор, аввалроқ Италия терма жамоаси ўз майдонида македонияликларга сенсацион тарзда мағлуб бўлди ва яна жаҳон чемпионати йўлланмасидан қуруқ қолганди.
«Улар бош мураббийни ишдан бўшатишса, бу ҳеч нарсани ҳал қилмайди. Гравина ақлли раҳбар, у ҳамма нарсани синчковлик билан таҳлил қилиши, масалага совуққонлик билан ёндашиши керак.
Ҳамма нарса туюлганидан анча жиддийроқ. Асосий муаммо - маданий қолоқлик. Италия футболида янги ғоялар, янги ўзгаришлар йўқ. Биз баъзи давлатлардан 60 йил орқада қолдик, бошқалари ривожланяпти, биз эса йўқ. Бу институционал муаммо. Гап Манчини ёки Сицилияда мағлуб бўлган ўзига хос ўйинчилар ҳақида эмас”, — деди мутахассис.
