Промоутер Эдди Хирн оғир вазн тоифасидаги чемпион Александр Усик ва экс-чемпион Энтони Жошуалар ўртасидаги реванш жангининг вақти ва жойи ҳақида ўз фикрлари билан ўртоқлашди.
“Жанг ўтказиш учун жой бўйича бутун дунёдан тўрт-бешта таклиф бўлди. Биз реванш жангини Буюк Британияда ўтказишни истардик, аммо хорижда жанг ўтказиш бўйича кўплаб муҳим таклифлар бўлди.
Яқин Шарқ, АҚШ, Буюк Британиянинг бир қанча мамлакатларидан таклифлар бор. Биз ўтириб, уларни муҳокама қилишимиз ва қайси бири билан давом этишни танлашимиз керак.
Биз жанг июнь ойи охиригача бўлишини истаймиз, шунинг учун реванш жанги ойнинг ўрталарида ёки охирида бўлиши мумкин, охирги сана июль ойининг биринчи шанбаси ёки иккинчи шанбаси бўлади, - деди Хирн.
