«Милан» ярим ҳимоячиси Браим Диас Ибраҳимовичнинг жамоа муҳитига қўшган ҳиссаси ҳақида гапирди.
«Златан ҳақиқий етакчи. У ҳар доим ёрдам беришга, қимматли маслаҳатлар билан ўртоқлашишга ҳаракат қилади. Бошқа нарсалар қаторида, Ибра ҳар ким ўзининг энг яхши фазилатларини намоён этишига ишонч ҳосил қилади. Симон Кьер сингари у ҳам доимо ўз ортидан жамоани эргаштиради. "Милан" бир оилага ўхшайди. Бизда ажойиб жамоа бор», - деди ярим ҳимоячи Tuttomercatoweb порталига.
Браим Диас «Реал»дан 2023 йилнинг ёзига қадар сотиб олиш ҳуқуқи билан ижарага олинган. Жорий мавсумда 22 ёшли футболчи «россонерлар» сафида барча турнирлар доирасидаги 33 ўйинда 4 та гол ва 4 та голли узатмани амалга оширди.
