Франция терма жамоаси бош мураббийи Дидье Дешам терма жамоа ярим ҳимоячиси Орельен Тчуаменининг ўйинига юқори баҳо берди.
«Монако»нинг 22 ёшли футболчиси Кот-д'Ивуарга қарши ўртоқлик ўйинида (2:1) ғалаба голини киритди.
«Орельен энг юқори савиядаги футболчи. У катта салоҳиятга эга, у ўйинни қандай бошқаришни билади», — дейди Дешам.
Мураббий, шунингдек, Тчуаменининг Поль Погба билан жуфтлигини юқори баҳолаб, Тчуаменинг тўпни қандай олишни, ҳужумга мойилроқ бўлган тажрибали шеригидан ҳам яхшироқ эканлигини таъкидлади.
Франция чемпионатининг жорий мавсумида ярим ҳимоячи ўтказилган 27 учрашувда битта гол ва битта голли узатмани амалга оширди. Тчуамени 2021 йилдан буён мамлакатнинг биринчи терма жамоасига чақирилган.
