«Манчестер Юнайтед» ҳужумчиси Эдинсон Кавани Испаниянинг «Реал Сосьедад» клуби билан шартнома имзолашга яқин турибди, деб хабар беради The Sun.
Уругвайлик ҳужумчининг манкунианликлар билан шартномаси шу йилнинг ёзида якунига етади. Шундай экан, футболчи эркин агент мақомида янги клубга ўтиш имкониятига эга. Трансфермаркт портали 35 ёшли футболчини 4 миллион еврога баҳоламоқда.
Жорий мавсумда Кавани барча турнирларда 17 та ўйин ўтказиб, 2 та гол урган.
Ҳужумчи «Юнайтед»да 2020 йилдан буён тўп суради. Аввалроқ футболчи «Палермо», «Наполи» ва «ПСЖ» клублари шарафини ҳимоя қилган.
