Дания Футбол Федерацияси раҳбарлари мамлакат миллий терма жамоаси аъзоларига ЕВРО-2012 пайтида интернетдан, жумладан ижтимоий тармоқлардан фойдаланишни таъқиқловчи қарор қабул қилди, дея хабар бермоқда The Guardian нашри.
Дания терма жамоаси бош мураббийи Мортен Ольсеннинг шахсан ўзи федерация раҳбараларидан мазкур қарорни қабул қилишларини илтимос қилган.
Бош мураббий Украина ва Польша майдонларида ўтадиган европа чемпионати пайтида ўз шогирдларининг ортиқча нарса билан чалғимасликларини ва асосий нигоҳларини ўйинларга қаратиши кераклигин таъкидлаган.
Агар терма жамоа аъзолари мухлислар билан мулоқот қилишларини исташса, федерация уларга интернетдан фойдаланмаган ҳолда имконият яратиб берадиган бўлди. Шунингдек махсус матбуот анжуманларини ўтказиш ҳам режада бор.
Бу қарорга терма жамоанинг бир қатор футболчилари очиқчасига қарши эканликларини билдиришган. Терма жамоа дарвозабони Томас Соренсен федерациянинг ушбу қарорини ҳатто уят дея баҳолаган.
