Испаниялик афсонавий ярим ҳимоячи Андрес Иньеста тўп тепаётган Япониянинг “Виссел Кобе” клуби матбуот хизмати “Ростов”нинг япониялик ярим ҳимоячиси Кенто Хасимотонинг трансфери ҳақида маълум қилди.

Хасимото япон клуби билан мавсум охиригача шартнома имзолади. Аввалроқ у ростовликлар билан шартномани тўхтатганди.

Маълумот учун, 28 ёшли япон 2020 йилдан буён “Ростов” сафида тўп сураётган эди. У Россия клуби сафида барча мусобақаларда 30 та ўйин ўтказиб, 8 та гол урди ва 3 та голли узатмани амалга оширди.