Испания терма жамоаси собиқ ярим ҳимоячиси Сеск Фабрегас Лионель Мессининг "ПСЖ"даги муаммолари ҳақида фикр билдирди.
"Лео - мен кўрган энг яхши футболчи. "ПСЖ"да ҳеч қачон бундай савиядаги футболчи бўлмаган. Мухлислар ундан хурсанд бўлишлари, қўллаб-қувватлашлари керак. Бу мавсумда уларни муваффақиятга етакламаса, кейинги мавсумда албатта етаклайди. Тушундимки, баъзида мухлислар ўйинчиларга бор кучларини беришлари учун босим ўтказишни хоҳлашади, аммо ўйин давомида футболчилар доимо қўллаб-қувватланиши керак», - деди Фабрегас Marca нашрига берган интервюсида.
Лионель Месси "Барселона"дан келганидан кейин "ПСЖ"даги илк мавсумини ўтказмоқда. Аргентиналик футболчи барча мусобақаларда 7 та гол ва 11 та голли узатмани амалга оширди.
