Мадриднинг "Реал" клуби вингери Марко Асенсио "Арсенал" жамоасига кўчиб ўтиши мумкин.
Маълум қилинишича, 26 ёшли футболчи мавсум якунида муҳитни ўзгартиришни хоҳлайди. Испаниялик футболчига "Арсенал" қизиқиш билдирмоқда, "Реал" эса трансфер учун 30 миллион евро талаб қилади. Бу ҳақда El Nacional нашри хабар бермоқда. Қанот ҳужумчисига Италиянинг “Рома” клуби ҳам даъвогарлик қилмоқда.
"Канонирлар" ўтган ёздаёқ Асенсиони ўз сафига жалб қилишга уриниб кўришган, аммо рад жавобини олишганди.
Марко Асенсио жорий мавсум “Реал” сафида 33 та ўйинда майдонга тушиб, 10 та гол уришга эришди.
