Дунёга машхур учар голланд, дунё футболига "тотал футбол" терминини олиб кирган афсонавий голландиялик футболчи ва мураббий Йохан Круифф бугун 65 ёшини қарши олмоқда.
Ўз фаолиятининг катта қисмини ватанида, "Аякс" жамоасида ўтказган Круифф 3 маротаба "Олтин Тўп" мукофотига лойиқ кўрилган.
"Аякс" билан 8 маротаба, кейинчалик эса "Барселона" жамоаси билан 1 маротаба мамлакат чемпиони бўлган.
Мураббийлик соҳасида ҳам афсонавий голланд жуда кўплаб ютуқларга эришган.
90-йилллар бошида "Барселона"ни кетма кет тўрт маротаба испания чемпионлигига олиб келди. Бир маротаба Европа чемпионлар кубоги ғолибига айлантира олди.
Айни дамда Круиф Мексиканинг "Пачука" клубида бош директор лавозимида фаолият олиб бормоқда.
