"Милан" ҳимоячиси Фикайо Томори Англия Премьер-лигаси ва Италия А Сериясини ўзаро таққослади. Илгари Томори Лондоннинг "Челси" жамоаси сафида ўйнаган.
“Премьер-лига худди баскетболга ўхшайди. Майдон маркази йўқ, вазиятга кўра кўплаб реакциялар, ўзига хос суръатлар мавжуд. Италия кўпроқ Америка футболига ўхшайди. Бутун учрашув жанглардан иборат бўлади. Тўп майдоннинг маълум бир қисмида бўлса, мен ўша ҳудудда бўлишим керак. Тўп узоқда бўлса, мен бир неча метр ҳаракат қилишим ёки маълум бир ўйинчига қарашим кераклигини биламан.
Премьер-лигада ҳамма нарса жуда тез. Сиз олдинга югурасиз, кейин тўп тескари йўналишда кетади, сиз тахминан 30 метр орқага югуришингиз керак, кейин яна ҳужумга ўтасиз. Италия кўпроқ тактикага эга. Бу ерда ҳамма нарса энг кичик деталларгача ишлаб чиқилган. Тўп ҳавода учаётганда нима қилиш кераклиги, тўп майдонда бўлганида нима қилиш кераклиги, масофада ишлашни, рақибни қандай кузатиб боришни биласан”, - деди Томори.
