"Milan" himoyachisi Fikayo Tomori Angliya Premyer-ligasi va Italiya A Seriyasini o‘zaro taqqosladi. Ilgari Tomori Londonning "Chelsi" jamoasi safida o‘ynagan.

“Premyer-liga xuddi basketbolga o‘xshaydi. Maydon markazi yo‘q, vaziyatga ko‘ra ko‘plab reaksiyalar, o‘ziga xos sur’atlar mavjud. Italiya ko‘proq Amerika futboliga o‘xshaydi. Butun uchrashuv janglardan iborat bo‘ladi. To‘p maydonning ma’lum bir qismida bo‘lsa, men o‘sha hududda bo‘lishim kerak. To‘p uzoqda bo‘lsa, men bir necha metr harakat qilishim yoki ma’lum bir o‘yinchiga qarashim kerakligini bilaman.

Premyer-ligada hamma narsa juda tez. Siz oldinga yugurasiz, keyin to‘p teskari yo‘nalishda ketadi, siz taxminan 30 metr orqaga yugurishingiz kerak, keyin yana hujumga o‘tasiz. Italiya ko‘proq taktikaga ega. Bu yerda hamma narsa eng kichik detallargacha ishlab chiqilgan. To‘p havoda uchayotganda nima qilish kerakligi, to‘p maydonda bo‘lganida nima qilish kerakligi, masofada ishlashni, raqibni qanday kuzatib borishni bilasan”, - dedi Tomori.