Англия терма жамоасининг собиқ ҳужумчиси Уэйн Руни ЖЧ-2006 вақтида юз берган воқеани эслади. У Португалия ва Англия терма жамоалари ўртасидаги плей-офф ўйинини ёдга олди. Ўшанда Криштиану Роналду бош ҳакамдан Рунини четлатиши борасида "ёлворган".
“Биз у билан ўша ўйиндан сўнг туннелда гаплашдик. Мен унга қарши ҳеч нарсам йўқлигини айтдим, гарчи унинг қилмишлари аниқ бўлса-да. Гап шундаки, биринчи бўлим давомида мен унинг учун жазо олишига ҳаракат қилдим. Нима учун? Асабийлашиши учун. Ҳа, Криштиану асабийлашишни яхши кўрарди.
Мен инглизман, Роналду португал. Биз бир-биримизга дуч келганимизда, мен унга парво қилмасдим. Биз қарама-қарши томонларда эдик. Аммо финал ҳуштаги янграгач, биз яна ўртоқ ва жамоадошга айланардик", - деди Руни.
