“Ювентус”нинг собиқ ярим ҳимоячиси Блез Матюиди журналистлар билан суҳбатда Франция терма жамоаси ҳужум чизиғидаги Карим Бензема ва Килиан Мбаппелар ҳақида фикр билдирди.

Матюидининг айтишича, Мбаппе илк бор миллий терма жамоага чақирилганида, у тез орада дунёнинг энг яхши футболчиларидан бирига айланади, деб кам одам ўйлаган. Блез Мбаппе ва Бенземанинг терма жамоадаги жуфтлиги деярли тенгсиз эканлигини, шу боис Франция терма жамоасига омад кулиб боқганини таъкидлади.

Матюиди Бензема ва Мбаппени жуфтлигини таниқли бразилиялик Ривалдо-Роналдо дуэти билан солиштириш мумкинлигини қўшимча қилди.