“Yuventus”ning sobiq yarim himoyachisi Blez Matyuidi jurnalistlar bilan suhbatda Fransiya terma jamoasi hujum chizig‘idagi Karim Benzema va Kilian Mbappelar haqida fikr bildirdi.
Matyuidining aytishicha, Mbappe ilk bor milliy terma jamoaga chaqirilganida, u tez orada dunyoning eng yaxshi futbolchilaridan biriga aylanadi, deb kam odam o‘ylagan. Blez Mbappe va Benzemaning terma jamoadagi juftligi deyarli tengsiz ekanligini, shu bois Fransiya terma jamoasiga omad kulib boqganini ta’kidladi.
Matyuidi Benzema va Mbappeni juftligini taniqli braziliyalik Rivaldo-Ronaldo dueti bilan solishtirish mumkinligini qo‘shimcha qildi.
