Италия терма жамоаси ярим ҳимоячиси Жоржиньо Туркияга қарши ўртоқлик учрашувида Роберто Манчини жамоасига ёрдам бермайди.
Адзурра бош мураббийи матбуот анжуманида футболчининг «Челси»га қайтганини айтди.
Қайд этилишича, аввалроқ Лондон клуби Италия терма жамоаси раҳбарияти билан Шимолий Македониядан мағлубиятга учраган тақдирда Жоржиньо муддатидан аввал жамоага қайтиши борасида келишиб олган эди.
Ўз навбатида, «Челси» халқаро танаффус олдидан Англия кубоги доирасида «Мидлсбро»га қарши ўйинда футболчидан фойдаланмади ва унга дам берди.
