Нидерландия терма жамоаси бош мураббийи Луи ван Галь Эрик тен Хагнинг "Манчестер Юнайтед"га тайинланиши мумкинлиги ҳақидаги фикрлари билан ўртоқлашди. 70 ёшли мутахассис ҳамюртига тижорат эмас, футбол клубини бошқаришни маслаҳат берди.
"Манчестер Юнайтед" - тижорат клуби, у ерда мураббий қарор қабул қилиши жуда қийин. Тен Ҳаг футбол клубига борса яхши бўлади. Мен Тен Хагга кўрсатма бермоқчи эмасман, агар хоҳласа, менга қўнғироқ қилиши мумкин. Лекин у тижорий эмас, футбол клубини танлаши керак", - деди Ван Галь.
Эслатиб ўтамиз, Луи ван Галь 2014 йилдан 2016 йилгача "Манчестер Юнайтед"ни бошқарган.