"Бавария" ҳужумчиси Серж Гнабри жамоа билан шартномани узайтириш борасида келиша олмаяпти. Томонлар бир неча ойдан бери музокара олиб боришмоқда, бироқ улар 26 ёшли футболчининг маоши борасида келиша олмаяпти, деб хабар беради Kicker.
Маълумотларга кўра, германиялик футболчи бонусларни ҳисобга олмаганда клубда йилига тахминан 15 миллион евро ишлаб олмоқчи.
Мавсум охиригача келишувга эришилмаса, Мюнхен клуби ёзда футболчини сотиши мумкин.
Гнабрининг "Бавария" билан амалдаги шартномаси 2023 йилнинг ёзига қадар мўлжалланган. Жорий мавсумда футболчи барча турнирларда 36 та ўйин ўтказиб, 13 та гол урди ва 7 та голли узатмани амалга оширди.
