2022 йилги жаҳон чемпионатига йўлланма олиш учун ўтказилган плей-офф тизими абсурд, деди италиялик ҳимоячи Леонардо Бонуччи.
"Биз бор-йўғи битта ўйин ўтказдик, бу бемаъни тизим. Тўрт-бешта ўйинда мағлубиятга учраган жамоалар бор, биз эса фақат битта ўйинда мағлуб бўлдик. Бу ақлдан озадиган нарса. Шубҳасиз, қоидалар баҳона эмас, биз яхшироқ ҳаракат қилишимиз керак эди. Албатта, Евро-2020дан кейин биз бироз саросимага тушдик" - деди Бонуччи goal.com порталига.
Италия терма жамоаси жаҳон чемпионатига саралашнинг гуруҳ босқичида саккизта ўйинда 16 очко жамғариб, тўртта учрашувда ғалаба қозонди ва тўртта дуранг қайд этган ҳолда «C» гуруҳида иккинчи ўринни эгаллади. Жаҳон чемпионати йўлланмаси учун ўтказилган ярим финал плей-оффида италияликлар Шимолий Македония терма жамоасига 0:1 ҳисобида имкониятни бой беришди. Амалдаги Европа чемпиони бўлган Италия терма жамоаси ҳам 2018 йилда Россияда бўлиб ўтадиган жаҳон чемпионатига ҳам чиқа олмаганди.
